!-- DNS Prefetech --> أخبار التعليم اليوم
أخر الاخبار

تعرف على : إجراءات محضر الغش .. بالتفصيل

تعرف على : إجراءات محضر الغش .. بالتفصيل

إجراءات محضر الغش

ينشر موقع أخبار التعليم اليوم .. للمعلمين والمعلمات واعضاء الكنترول ومديرى المدارس : إجراءات محضر الغش .. بالتفصيل .. خلال الاسطر التالية :-

يجب التفرقة وتحري الدقة .. لأن فية نوعين :

أولا :- غش إلكتروني سواء بالموبيل أو ساعة يد أندرويد أو نظارة أو غيرة من الوسائل المستحدثة للغش الإلكتروني ...

ثانيا :- غش من خلال ورق ومذكرات وغيرة ، ولكن يجب التأكد أولا من أنها تخص نفس مادة الإمتحان الجاري .

في كل الأحوال يجب أن يتم اكتشاف الغش من خلال الملاحظين لأن لو تم اكتشافة من خلال المتابع أو رئيس اللجنة أو مراقب الدور وقعت مسئولية التقصير والأهمال ع الملاحظين..

يبقي نقول تاني يجب علي جميع السادة الملاحظين توخي الحذر والدقة والأنتباة لأن المفروض هما اللي يكتشفوا أي غش عشان كدا بقولكم خلو بالكم انتبهوا أثناء الملاحظة جيداً وخصوصاً الموبيلات والساعات ..

يحب تفتيش الطلبة جيداً قبل دخول اللجنة وخصوصا الموبيلات والساعات والسماعات .. وخلي بالك لما تلاقي طالب أو طالبة بيتحرك كتير .. أوعا تقول في محضر إثبات الحالة طالب كان بيغش من زميلة .. تقول كان بيحاول يغش من زميلة فلان ويمضي هو وزميلة معاكم ع المحضر و2 شهود من الطلبة باللجنة .. ولو رفض الطالب يمضي يكتب الملاحظين رفض الطالب يمضي ع المحضر وزمايل الطالب يمضوا شهود في كل أحوال الغش أي محضر يفضل توقيع 2 طلبة شهود مع الملاحظين والمراقب ويسلم المحضر لرئيس اللجنة + محضر تحريز للموبيل أو الأوراق ..

ويجب علي الملاحظين أخذ صورة طبق الأصل من محضر إثبات الحالة ومحضر التحريز .. عشان لو تم التلاعب في أي أوراق الملاحظ وقتها يقدر يثبت حقة ..

ولكن المهم بقا أية العقوبات اللي هتتنفذ في الحالات الآتية :-

1- عقوبة محاولة الغش هي .. إلغاء الإمتحان للطالب في المادة التي حاول الطالب فيها الغش فقط..

2- عقوبة ثبوت الغش .. إلغاء الإمتحان للطالب عموما في جميع المواد ..

وذلك حسب المادة الثالثة والرابعة من القرار 500 الخاص بعقوبات الغش في الإمتحانات عموما ...

وخلي بالك ..

التليفون المحمول .. لو مغلق .. يبقي المحضر محاولة غش ..

لو التليفون المحمول مفتوح .. وواتس وسماعات يبقي غش .. أتأكد من دا .. وبعد ما تعمل محضر الغش سيب ورقة الإجابة مع الطالب لحين إنتهاء وقت الإمتحان ..

وتاخد منة بس المحمول أو الورق وأعمل المحاضر بتاعتك وحرز المحمول أو الورق .. وأترك الطالب بورقتة حتي إنتهاء زمن الإجابة .. لأنة لو خرج هو كدا كدا عرف الإمتحان ممكن يشيرة على النت أو يتصل بوالدة ويعمل فوضي في اللجنة أو في التحقيقات بعد كدا يطلع الورق اللي حضرتك حرزتة لا يخص المادة خلي بالك كدا هتقع تحت المسئولية .. يبقي أهم حاجة ..

1-ان الملاحظ هو من اكتشف الغش أو محاولة الغش ..

2- أن الورق يخص المادة .

3- التفرقة في المحضر لو الغش بالموبيل .. الإجراء لو الموبيل مغلق يبقي تعمل محضر حيازة فقط وتقول محاولة الغش.

أما لو الموبيل مفتوح يبقي محضر غش استعمال الموبيل في الغش .. وفي كل الأحوال يجب تحريز المحمول وعمل محضر تحريز مع محضر اثبات الحالة..

3- أخذ صورة من المحاضر دي مع الملاحظين ليثبتوا حقهم مستقبلا ..

4- يترك الطالب بورقة أجابتة حتي أنتهاء زمن الاجابة .. ولا يتم اتخاذ أي قرار بشأنة إلا من السلطة المختصة الشئون القانونية بالإدارات أو المديريات أو الوزارة حسب القرار الوارد للجنة ..

5- يم تدبيس المحاضر وتسلم المحاضر مع ورقة الإجابة إلي رئيس الكنترول أو رئيس اللجنة، وتبلغ الادارة فورا بما حدث لاتخاذ اللازم ..

 

إجراءات محضر الغش

 

تعليقات



    حجم الخط
    +
    16
    -
    تباعد السطور
    +
    2
    -
    close
    Loading