📁 آخر الأخبار

لطلاب الثانوية العامة .. آخر كلام وآخر تعليمات وآخر نصايح علشان تدخل اللجنة وتخرج بدون غلطة .. بالتفاصيل

لطلاب الثانوية العامة ..  آخر كلام وآخر تعليمات وآخر نصايح علشان تدخل اللجنة وتخرج بدون غلطة .. بالتفاصيل

لطلاب الثانوية العامة .. آخر كلام وآخر تعليمات وآخر نصايح علشان تدخل اللجنة وتخرج بدون غلطة

اقتربت امتحانات الثانوية العامة 2023 ، حيث تبدأ 12 يونيو الحالى ، يقدم موقع أخبار التعليم اليومفى التقرير التالى ، تعليمات وإرشادات وخطوات مهمة للطلاب داخل لجنة الامتحان حتى يتمكنوا من التعامل مع الأسئلة بشكل جيد .

عن امتحانات الثانوية العامة .. آخر كلام وآخر تعليمات وآخر نصايح علشان تدخل اللجنة وتخرج بدون غلطة :

  •  انت هتستلم بوكليت أسئلة + بابل شيت تحل فيه أسئلة الاختيار من متعدد + ورقة تحل فيها الأسئلة المقالية + كتيب مفاهيم عبارة عن ملخص للمنهج.
  •  أول حاجة تعملها هتبص في نموذج الأسئلة بتاعك (أ) (ب) (ج) (د) .. هتروح على البابل شيت وورقة إجابة الأسئلة المقالية تعلم على نفس رقم النموذج بتاعك (أ) (ب) (ج) (د) .. وركز في الحتة دي جدا.. لأنك لما تكتب رقم النموذج بتاع الأسئلة في ورقة الإجابتين صح.. ورقتك هتتصحح على نموذج إجابة مطابق لنفس نموذج الأسئلة بتاعك ( اللي انت كتبته بخط إيدك ) ... راجع الصور اللي منشورة مع البوست هتلاقي طريقة كتابة رقم النموذج بطريقة صحيحة.
  •  إيه موضوع الأربع نماذج ده؟.. ببساطة الأربع نماذج هم نفس الامتحان بس ترتيب الأسئلة مختلف.. يعني انت معاك نموذج أسئلة رقم (أ) هتلاقي السؤال الأول عندك هو رقم 15 في نموذج (ب) اللي مع زميلك اللي قاعد قدامك، ونفس السؤال ترتيبه رقم 20 في نموذج (ج) اللي مع زميلك اللي قاعد وراك.. علشان كده متحاولش تغش إجابة .. وركز كويس وانت بتنقل رقم نموذج الأسئلة في ورقة الإجابة (ورقة البابل شيت وورقة الأسئلة المقالية) .. وابقى بص في الورق المنشور مع البوست.
  • تاني حاجة هتروح على ورقتين الإجابة تكتب اسمك في الورقة دي والورقة دي .. وتحت اسمك تكتب اسم مدرستك في الورقة دي والورقة دي .. وبعد كده تكتب اسم الإدارة التعليمية اللي انت تابع ليها في الورقتين برضو
  •  تالت حاجة هتروح على شمال ورقتين الإجابة تكتب رقم جلوسك من الشمال لليمين .. وبعد كده تظلل رقم الجلوس في الدوائر اللي تحت ( هتلاقي صورة من الصور اللي منشورة مع البوست فيها طريقة كتابة رقم الجلوس ).
  •  بعد كده تبدأ بسم الله وتجاوب على الأسئلة.. هتروح على السؤال الأول في بوكليت الأسئلة ( مثلا ) هتلاقي الإجابة الصح هي رقم (ج) ، هتاخد بعضك وتطلع على البابل شيت وتروح لرقم (1) وتظلل الدايرة اللي قصاد حرف (ج) ، انت كده جاوبت على السؤال الأول.
  • طيب لو حسيت إن الدايرة اللي انت ظللتها (ج) مش هي الإجابة الصحيحة وعايز تختار إجابة تانية؟ .. بسيطة جدا .. هتروح على الدايرة اللي انت ظللتها (ج) وتعمل عليها (إكس) وبعدها تظلل الدايرة الصحيحة ولتكن الدايرة اللي قصاد حرف (ب) .. راجع الصور اللي تحت هتلاقي منشور مع البوست صورة فيها الطريقة الصحيحة للإجابة وازاي تلغيها وتختار إجابة تانية.
  •  خد بالك .. لو ظللت دايرتين لسؤال واحد ، انت هتاخد صفر على السؤال ده .. ومتقولش اللي بيصحح يختار هو الإجابة الصحيحة.. ده مش هيحصل.
  • بلاش تكتب أي إجابة أو أي بيانات في ورقة الإجابة بالقلم الرصاص .. اكتب واستخدم القلم الجاف في كل كتاباتك .. وحتى لو هتبدأ تظلل بالرصاص لحد ما تستقر على الإجابة .. أوعى تسلم ورقة البابل شيت وانت مجاوب على أي سؤال بالقلم الرصاص.
  •  طيب هل لما أعمل كذا علامة إكس على كذا إجابة لسؤال واحد أنا كده هاخد صفر على السؤال ده؟.. لأ طبعا .. لو عملت 3 إكس على 3 دواير وظللت الدايرة الرابعة فقط والباقي إكس وطلعت الدايرة اللي متظللة هي الإجابة الصح هتاخد درجة السؤال كاملة .. متقلقش نهائي.
  • هتقوللي جهاز التصحيح الإلكتروني مش بيقرأ الإجابة اللي فيها إكس .. هقولك ورقة الإجابة اللي زي كده بتعدي على ٣ أو ٤ مراحل لأنها بتتصحح بالعين المجردة ، ودرجتك هتاخدها يعني هتاخدها .. ومتصدقش اللي يخوفك بكلام غير كده.
  • أي إجابة هتكتبها في بوكليت الأسئلة مش هتتصحح ولا هتاخد عليها أي درجة .. الوزارة مش هتعترف بأي إجابة إلا المكتوبة في البابل شيت وورقة إجابة الأسئلة المقالية.
  • بالنسبة لإجابة الأسئلة المقالية .. لو محدد لك سطرين فقط تكتب فيهم متكتبش أكتر من سطرين .. محدد لك 3 سطور متكتبش أكتر من 3 سطور .. متقولش لما أكتب أكتر هاخد الدرجة كاملة.. ده مش هيحصل وبلاش تضيع وقتك وجهدك.
  • متقلقش من الأسئلة لأنها السنادي ( 30% أسئلة بسيطة + 40 % أسئلة متوسطة المستوى +30% مستويات عليا)  يعني الموضوع بسيط مش مستاهل منك قلق خالص.
  •  نقطة مهمة  لما هتيجي تتظلم على النتيجة السنادي هتستلم صورة من بوكليت الأسئلة + صورة من ورقة إجابتك في البابل شيت + صورة من ورقة إجابتك للأسئلة المقالية + صورة من نموذج الإجابة اللي الوزارة صححت منه وانت هتقعد تصحح لنفسك وتدي لنفسك درجة الامتحان ، ولو ليك نص درجة هتاخدها.. متقلقش حقك محفوظ لأن كله على المكشوف.
  •  جميع مواد الامتحان ليها ورقة مفاهيم ما عدا أسئلة المواد غير المضافة للمجموع .. وورق مفاهيم السنة اللي فاتت هو نفسه اللي هيتوزع على الطلبة السنادي .. لو عايز تشوف شكله وتقرأ فيه شوية ادخل على موقع وزارة التربية والتعليم هتلاقيه قدامك .. مادة مادة بحيث تتعود عليه قبل ما يتوزع عليك وانت قاعد في اللجنة.
  • نقطة مهمة : لو اتمسكت بتليفون مغلق هتسقط في المادة .. لو اتمسكت بتليفون مفتوح حتى لو مستخدمتهوش في الغش هتسقط في السنة كلها في جميع المواد .. لو اتمسكت بتغش بالتليفون أو بتصور أسئلة هتسقط سنتين كاملين .. السنادي والسنة الجاية هتتحرم من دخول الامتحانات .. ركز في ورقتك فقط .. وسيبها على الله فقط.
  • حاجة مهمة أخيرة : فيه لجان متخصصة من أكفأ المعلمين لمراجعة أسئلة امتحان كل مادة قبل بدء تصحيحها .. أي سؤال غير مطابق للمواصفات .. أي سؤال مكتوب بشكل خاطيء .. أي سؤال غامض لدرجة إن غالبية الطلاب جاوبوا عليه غلط .. أي سؤال له إجابتين متشابهتين لحد التطابق .. أي سؤال له أكتر من إجابة .. أي سؤال ملوش إجابة واحدة محددة واضحة .. سيتم إعادة النظر في درجة السؤال ، إما يحصل عليها كل الطلاب ، أو يتم توزيع درجة السؤال على درجة سؤال آخر من الأسئلة البسيطة أو متوسطة المستوى .. وقرار اللجنة دي هيطلع بعد كل امتحان .. ومتنساش إن كل سؤال في الامتحان هتلاقي الدرجة بتاعته قصاد منه.

أولادنا .. طلاب الثانوية العامة بالنسبه للامتحان ان شاءالله :

  • لازم البطاقه ورقم الجلوس الاصل مش صوره ..
  • مسموح بدخول زجاجة مياه وعصير وشيكولاته او بونبوني او اي حاجه مسكره لازم معاهم والمايه تبقي مجمده الجو بيبقي حر وبيهبطوا فلازم دول معاهم وطبعا مناديل
  • المقلمة عادي بس مش كبيره اوي وممكن المراقبين يغلسوا علي حسب هواهم فمقلمة عاديه صغيره مش كبيره قلمان رصاص يكون عشان يتمسح بسرعه
  • وبرايه لو قلم رصاص خشب وسنون لو قلم سنون
  •  واستيكه لو علموا غلط في البابل شيت وعايزين يمسحوا بس براحه جدا بلاش عنف ويخرموا الورقه تبقي استيكه فايبر كاسل الحمرا او السودا كويسين في المسح او اي نوع متجرب
  •  قلمان جاف
  • مسطرة لازم مسطره المسطره مهمه انهم يحطوها وهما بيعلموا في البابل شيت لازم الله يكرمكم تقولولهم عشان ما يرحلوش اسئله
  •  وساعه عاديه مش سمارت ممنوع الساعات السمارت تماما
  • في اجهزه للبحث عن الإشارات في المدارس وهيوقفوا اللجان لو فيه اشاره وهيتعطلوا
  • وآله حاسبه في الاحصاء واللي ،معاه آلتين ياخدهم معاه ويكتب اسمه عليهم هتنفعهم وتنفع غيرهم اللي بينسوا آلتهم او بتعلق منهم
  • ممنوع الموبايلات مش بتدخل من باب المدرسه بتتساب بره في الشارع او مع حد من اولياء اموركم اللي عارفينهم امهات اصحابهم
  • ممكن يسمحوا بمراوح بالشحن وممكن لا علي حسب رئيس اللجنة والمراقب
  • ممنوع دخول الورق ايا كان لا مراجعه ولا فاضي
  • لازم يناموا وياخدوا كفايتهم من النوم اوعوا يروحوا مطبقين اوعوا لازم مش اقل من ٦ او ٧ ساعات يكون مخهم ارتاح يقدروا يفتكروا اي حاجه
  • حاولوا ياخدوا فيتامين تقويهم الفتره دي اوميجا ٣ و d دول بعد الاكل يكون فيه دهون وحديد او مالتي فيتامين وفيتامين سي معاه عشان المناعه
  • لازم يتعودوا من دلوقتي علي الصحيان الساعه ٧ بكتيرهم ٨ يكونوا صاحيين وعلي ٩ يكونوا ماسكين امتحان بيحلوه مش مذاكره لا امتحان يعودوا مخهم انه يشتغل في التوقيت ده
  • و باذن الله تعالي نحاول نطبق النصايح دي ....
  • وبمشيئة الله ....... ربنا هيكون معاهم ويوفقهم ويفتح عليهم فتوح العارفين ويذكرهم ما ينسوه ويرزقهم العلم النافع وينفعهم بما علمهم ويلهمهم الصواب ويسدد خطاهم ويكرمهم ويرزقهم التركيز وسرعة الاستيعاب ويشرح صدورهم وعقولهم ويسهلهم كل صعب ويبارك في وقتهم اضعاف مضاعفه ويرزقهم التوفيق ونور البصيره والحكمه في القول والفعل والتفكير ويسددهم ويثبتهم ويأمن خوفهم ويحفظهم من الهم والحزن والعجز والكسل ويتولي امرهم ويرضي عنهم اللهم امين ولادنا جميعا يارب العالمين

 لطلاب تالتة ثانوي .. كيفية التعامل مع أسئلة الاختيار من متعدد في امتحانات الثانوية العامة 

عزيزي الطالب راعي ما يلي :
  • الحرص علي عدم الإجابة بشكل خاطىء علي اي سؤال سواء موضوعي او مقالي
  • قراءة سؤال الاختيار من متعدد بشكل جيد حتي تفهمه علي نحو صحيح وعدم التسرع في الإجابة عليه
  • لا تختار اي إجابة تطرا علي ذهنك بعد قراءة السؤال .. لكن تمهل وتأن في الاختيار فقد تكون الإجابة المطلوبة غير التي في ذهنك
  • الإجابة علي كل سؤال اختيار من متعدد بدون النظر الي البدائل ( خبي البدائل بيدك ) واعتبره سؤال إكمال وبعد الإجابة عليه انظر الي البديل الأنسب
  • اذا كان سؤال الاختيار من متعدد يسأل عن ناتج مسألة او تطبيق قانون او معادلة او نظرية من فضلك لا بد من مراجعة حلك اكثر من مرة للتأكد من الإجابة المطلوبة .... ولا تتعجل اول إجابة وصلت اليها
  • قد يضع واضع الامتحان كلمة او رقم في راس السؤال لتشتيت الطالب من فضلك تأكد من ان هذا الرقم او الكلمة متصل بجوهر السؤال وسيفيدك في الحل ام لا
  • وجود بديل واحد صحيح والباقي خطا لا يعني ان البدائل علي كل سؤال ستكون خاطئة بشكل ظاهر ( بل بالعكس ستأتي كلها متجانسة او متشابهة ) ولكن بديل واحد صحيح ......
  • ابدا دايما بالأسئلة الأسهل في الاختيار من متعدد .. لان ذلك سيزيد من ثقتك بنفسك ويدفعك الي الإجابة علي باقي الأسئلة حتي لو كانت صعبة اما البدء بالأسئلة الصعبة فقد يكون له تأثيرات عكسية
  • أعلم أن زمن الامتحان ٣ ساعات او ساعتين ( من فضلك لا تتعجل في حل جميع الأسئلة في ساعة واحدة او ساعة ونصف ) ... لان واضع الاسئلة غالبا ما يضع أسئلة تتسق مع زمن الامتحان وبالتالي تسرعك قد لا يفيدك ...
  • استخدم وقتك كله فقد تصل الي معلومة او إجابة غير التي وصلت اليها مع المراجعة في آخر الوقت
  • راجع كل اجاباتك اكثر من مرة لو تبقي لديك وقت ولا تمل هذا حقك
  • قد يأتي سؤال الاختيار من متعدد رابطا بين جزئيتين او اكثر من المقرر ( ركز علي الأجزاء ذات اوجه الشبه والاختلاف مع بعضها البعض  ) حتي لو كانت متباعدة في نفس المقرر
  • أسئلة الامتحان بوجه عام قد تتطلب منك معلومات في سنوات سابفة عن الثانوية العامة خاصة في اللغات وغيرها من المواد
  •  اعط تركيزا خاصا لأسئلة الاختيار من متعدد ذات الدرجتين ( لأنها تجمع لك درجات فضلا عن تساويها مع درجات الاسئلة المقالية في جميع المواد ( عدا سؤال مقالي في اللغة العربية وكذلك في اللغة الاجنبية الاولي ب ٤ درجات ؛ وسؤالين في اللغة الاجنبية الثانية ب ٣ درجات )
  •  اجاباتك علي جميع أسئلة الاختيار من متعدد بشكل صحيح يضمن لك ٨٥ % من مجموع الدرجات تصل الي اكثر من ٩٥ % مع اجاباتك علي الاسئلة المقالية )

أخبار التعليم اليوم
أخبار التعليم اليوم
تعليقات



    close