خطوة بخطوة .. كيفية تسجيل الرغبات على موقع التنسيق الإلكتروني للعام 2023-2024
أعلنت الوزارة الحد الأدني لتنسيق الكليات 2023 بالشعبتين العلمية والأدبية ، موضحة أن تسجيل الرغبات لطلاب الثانوية العامة 2023 ويلحقون المرحلة الأولى سيبدأ يوم السبت المقبل إلكترونيًا عبر رابط موقع التنسيق الإلكتروني ، لافتة أن خانة تسجيل الرغبات تحتوى على 75 رغبة يمكن للطالب تسجيلها.
تنسيق الكليات 2023 علمي علوم
جاءت نسبة الحد الأدنى لتنسيق الكليات 2023 للمرحلة الأولى علمي علوم ، نحو 88.29% ، بواقع 362 درجة ، وبلغ عدد طلاب الشعبة « علمي علوم » 22304 طلاب.
تنسيق الكليات 2023 علمي رياضة
تنسيق الكليات 2023 .. الحد الأدنى للجامعات وخطوات التسجيل على الموقع الإليكتروني
جاءت نسبة الحد الأدنى لتنسيق الكليات 2023 للمرحلة الأولى علمي رياضة ، نحو 83.41% ، بواقع 342 درجة، وبلغ عدد طلاب الشعبة العلمية « رياضة » هو 15013 طالب وطالبة.
تنسيق الكليات 2023 الشعبة الأدبية
جاءت نسبة الحد الأدنى لتنسيق الكليات 2023 للمرحلة الأولى أدبي ، نحو 70.61% ، بواقع 289.5 درجة ، وبلغ عدد طلاب الشعبة الأدبية هو 74923 طالبا وطالبة.
موعد التقديم على تنسيق الكليات 2023 المرحلة الأولي
تنسيق الكليات 2023 .. الحد الأدنى للجامعات وخطوات التسجيل على الموقع الإليكتروني
يبدأ التقديم على تنسيق الكليات 2023 ، يوم السبت المقبل إلكترونيًا ، ويمكن للطلاب تسجيل الرغبات في معامل الكمبيوتر بالجامعات والكليات ، وتبدأ عمليات التسجيل من التاسعة صباحا حتى السابعة مساء.
اعرف خطوات التنـسيــــق و تسجـيـل الرغبات عبر الموقع الإلكتروني :
1🌺/ الدخول على موقع التنسيق الإلكتروني.
2🌺/ الضغط على خدمات تنسيق الثانوية العامة.
3🌺/ إدخال رقم الجلوس والرقم السري.
4🌺/ تسجيل الرغبات التي تحتوي على 75 رغبة.
" ❓❓ازاي اكتب رغبات التنسيق علي الموقع باذن الله
طريقه كتابة الرغبات ويعنى اى التوزيع الجغرافي فركز معايا
✸ موقع الرغبات لما هيفتح. هيطلب منك كتابة 75 رغبة
السؤال هنا هنكتبهم ازى ؟
- انت عندك 3 طرق لكتابه الرغبات حسب رغبتك هتنسق ازاي...
🌴 أول طريقة لكتابة الرغبات " أنا طالب من محافظه الدقهلية علمى رياضة ومش عايز اتغرب بره الدقهلية وعادى اى كلية مافيش مشكلة
يبقى طريقة كتابة الرغبات كالتالي مثلا
1- كلية الهندسة جامعة المنصورة ( أ )
2- كلية الحاسبات والمعلومات جامعة المنصورة ( أ )
3- كلية الحقوق جامعة المنصورة ( أ )
4- كلية التجارة جامعة المنصورة ( أ )
5- الترتيب هيبقى بالنظام دا ماهو أنا مش عايز اطلع بره محافظتى عايز اى كلية فى محافظتى وخلاص
🌴🌴 الطريقة التانية لكتابة الرغبات " أنا طالب من محافظة الدقهلية علمى رياضة وعايز ادخل كلية الهندسة حتى لو فى محافظه تانية عادى ثم بعدها حاسبات
يبقى طريقة كتابة الرغبات كالتالي مثلا
1- كلية الهندسة جامعة المنصورة (أ)
2- كلية الهندسة جامعة الزقازيق (ب)
3- كلية الهندسة جامعة دمياط (ب )
4- كلية الهندسة جامعة طنطا (ب)
5- كلية الهندسة جامعة كفرالشيح (ب )
6- كلية الهندسة جامعة بور سعيد (ب )
7- كلية الهندسة جامعة القاهره ( ج )
8- كلية الهندسة جامعة عين شمس ( ج )
9- وأكمل باقى كليات الهندسة باقى المحافظات ثم أدخل على كلية الحاسبات والمعلومات " ماهو أنا رغبتى أدخل هندسة حتى لو محافظه تانية "
السوال هنا " اى حرف ( أ ) و ( ب ) و ( ج ) اللى الموقع كاتبه جنب كل جامعة
بص ياسيدى دى قواعد التوزيع الجغرافي
الموقع بيقولك أنت من محافظه الدقهلية معلش مش هينفع تحطلى هندسة دمياط قبل جامعة المنصورة يعنى عايزك تحط جامعة ( أ ) ثم جامعة ( ب )
يعنى طالما من الدقهلية مش هينفع تحطى جامعة تصنفها ( ب ) قبل جامعة تصنفها ( أ )
طيب خلصت الجامعات اللى تصنفها ( أ ) هتحط بعدهم جامعات تصنفها ( ب ) حتى لو اكتر من جامعة تصنفها ( ب ) رتبهم بمزاجك ولما تخلص ( ب ) ادخل على تصنيف ( ج )
مثال أهو :
1- كلية الهندسة جامعة المنصورة (أ)
2- كلية الهندسة جامعة الزقازيق (ب)
3- كلية الهندسة جامعة دمياط (ب )
4- كلية الهندسة جامعة طنطا (ب)
5- كلية الهندسة جامعة كفرالشيح (ب )
6- كلية الهندسة جامعة بور سعيد (ب )
7- كلية الهندسة جامعة القاهره ( ج )
8- كلية الهندسة جامعة عين شمس ( ج )
شوفت فى اكتر من كلية تصنفها (ب ) رتبهم براحتك لكن مش هتعرف تحط (ج ) غير لما تخلص جامعات ( ب ) لو عملت غير كدا هتلاقى الموقع بيقولك خطا توزيع جغرافي
🌴🌴🌴 الطريقة التالته لكتابة الرغبات " أنا طالب من محافظة الدقهلية علمى رياضة وعايز ادخل كلية الهندسة ولو مافيش هندسه أدخل حاسبات بس مش عايز ابعد أوى عن محافظتى
1- كلية الهندسة جامعة المنصورة (أ)
2- كلية الهندسة جامعة الزقازيق (ب)
3- كلية الهندسة جامعة دمياط (ب )
4- كلية الهندسة جامعة طنطا (ب)
5- كلية الحاسبات والمعلومات جامعة المنصورة ( أ )
6- كلية الحاسبات والمعلومات جامعة الزقازيق (ب )
7- كلية الحاسبات والمعلومات جامعة دمياط ( ب )
8- كلية الحاسبات والمعلومات جامعة دمياط ( ب )
9- كلية الحاسبات والمعلومات جامعة طنطا ( ب )
وهكذا باقى الكليات اللى عايز تدخلها بعد حاسبات ومعلومات
حروف ( أ ) و ( ب ) و (ج ) دى هتلاقيها جنب كل كلية فى الموقع .
تمام كده كمل الخطوات الرئيسية
5🌺/ الضغط على عبارة تم بعد التأكيد من الرغبات.
6/🌺 سيظهر قائمة الرغبات المسجلة والمسجل بها رقم الإيصال.صور رقم الايصال اسكرين شوت او بالموبايل
7🌺/ يجب حفظها بي دي اف و اطبعها براحتك
رابط موقع التنسيق الإلكتروني 👇
بالتوفيق إن شاء الله
⬛ تنسيق الجامعات طريقة كتابة الرغبات و أهمية ترتيبها .
في عندنا طريقتين لكتابة الرغبات :
🟨🌸 الطريقة الأولـــــى :
🔸 في حالة انك محدد كليه معينة حابب انك تدخلها ودا بغض النظر عن محافظة الكلية .
مثال للتوضيح 👈 نفترض مثلا أن الكلية دى كلية حقوق و عايز تدخلها حتى لو فى محافظه بعيدة ، هتلاقي نقطة واحدة نراعيها وهي التوزيع الجغرافي . تابع وهشرح 👇
🔸 بعد دخولك الموقع بيقولك دخل كلية ، هتدخل حقوق مثلاً ، بيبقي جنبها حرف " أ " الأول
( يعني أنك بتدخل المحافظات بالترتيب الاقرب ليك انت " دا اسمه التوزيع الجغرافي " ، والموقع بيوجهك لده من البداية )
- ثم "ب " ثم " ج " ثم باقى المحافظات بالترتيب اللى عايزه ودا زي ما اتفقنا أسمه التوزيع الجغرافى يا شباب .
🟥 مش فاهم لساا !!! ايه " أ " ، " ب " ده ؟
🔸 معنى " أ " ان الموقع بيقولك دى أقرب جامعة لمحافظتك " ب " أبعد شوية و " ج " أبعد اكتر وهكذا ، والباقى بيقولك بتكمل زي ما انت عايز خلاص .
🟥 ايه لازمة دا طيب ؟؟
🔸 دلوقتي انت اخترت كليه فبتدأ تكتب الكلية دي في كل المحافظات الموجودة بس بترتيب الأقرب و بعدين الأبعد و هكذا .. فدلوقتي لو الأقرب دي كانت بتقبل مجموع اكبر من مجموعك فكدا مش هتتقبل فيها و هتنزل على إلى بعدها وهكذا هتتقبل في كلية بتقبل من مجموعك .
مثال للخطوات :
انا محافظة الدقهلية مثلا فبحط المحافظة بتاعتي في أول اختيار وبعدين الأبعد وهكذا .
1- حقوق المنصورة نطاق " أ "
2- حقوق دمياط نطاق " أ "
3- حقوق الزقازيق " أ "
4- حقوق طنطا " ب "
5-حقوق بنها " ب "
6- ونكمل بقى حقوق باقي المحافظات بمزاجك بس الموقع هيجبرك * تدخل اللى فوق الأول ثم باقى المحافظات .
🟥خلصت كلية حقوق ؟
🔸 هتدخل على الكلية التانية اللى عايز تدخلها حتى لو فى محافظه تانية وهتمشى بنفس الخطوات وهكذا .
🟨🌸 الطريقة الثانية :
🔹 في حالة ان مفيش كلية معينة بفكر فيها بس عايز حاجة * من محافظتي *
_ كتابة الرغبات هتكون كالاتي :
1- حقوق المنصورة و هكذا لحد ما تخلص حقوق
2- تجاره المنصورة و هكذا لحد ما تخلص تجاره
3- آداب المنصورة و هكذا لحد ما تخلص آداب
4- تربية المنصورة و هكذا لحد ما تخلص تربية
5- حقوق دمياط و هكذا لحد ما تخلص تجاره
6- تجاره دمياط و هكذا لحد ما تخلص تجاره
7- آداب دمياط و هكذا لحد ما تخلص آداب
🔹 وهكذا باقى الكليات بنفس الترتيب بقي تكمل
🔹 ملحوظة :-
📢 ترتيب الرغبات مهم جداً جداً لان موقع التنسيق اول حاجة بيشوفها هو الكليه من مجموعك ولا لأ ، لو مجموعك تمام قبلت ، لو لأ خلاص بتنزل على إلى بعدها و هكذا و هكذا لحد ما يوصل لأول كلية واخدة من مجموعك بتتقبل فيها و عشان كدا
🔹 مهم جداً جداً الترتيب .
⬛📢 ابطال الثانوية العامة 💪
⬛🚦 دلوقتي هنا في نصائح مهم جداً وانت بتكتب الرغبات .
◽1- حاول على قد ماتقدر تكتب الرغبات كلها ، واستغل كل رغبة واكتبها وراعي جداً جداً و 📢 للمرة المليون ترتيب الرغبات دي * ، والسبب أن أول كليه فيهم مجموعك هيجيبها هتتقبل فيها علطول ، فعشان متندمش بعد كدا .
◽2- فى نظامين لكتابة التنسيق زي ما اتكلمت قبل كدا .
انت هتشوف انت حابب انهي نظام فيهم و تمشي عليه .
◽النظام الاول
♦️- لو انت مقرر كلية معينة وعايزها برغبة شديدة جداً يبقي هتكتب الكلية فى نطاق " أ " الأول ثم " ب " ثم " ج " ثم باقي المحافظات الموجودة كلها عشان تتقبل في اقرب محافظة ليك وكمان اول محافظة بتقبل من مجموعك ، وبعدين تدخل على الكلية التانية بقي وهكذا .
◽النظام الثاني
♦️- لو انت مش عايز تروح مكان بعيد عن محافظتك ف هتكتب كل الكليات اللى فى محافظتك انت الأول ودا علشان انت مش عايز تغترب وكمان مش فى دماغك كلية معينة .
◽3- رقم الجلوس هيكون مطلوب منك اول ما تدخله اتاكد من بياناتك كويس جداً و مجموعك .
◽4- اقرا قواعد التوزيع الجغرافي و التوزيع الأقليمى كويس قبل ماتبدا الرغبات خالص .
◽5- حاول تجيب ورقة 📄 و قلم 🖊️ و تكتب الرغبات و ترتبهم مع نفسك كويس جدا فى الورقة الأول و بعدين دخلهم على الموقع .
◽6- الموقع بيفضل فاتح 3 أيام او اكثر كمان تقدر خلال 3 أيام دول تعدل فى رغباتك ، لكن مفيش داعي نلجئ للتعديل يا شباب ، ركز كويس جداً ورتب اولوياتك بمنتهي الدقة وبعدين قدم الرغبات .
7- 🟥 تحذير 🟥
رقم جلوسك و الرقم السرى بتاعك محدش يعرفهم غيرك أو حد كمان موثوق منه جداً وبس ، عشان متتعرضش لأن حد ممكن يغير رغباتك .
_ متلجئش أبداً لحد من فيسبوك متعرفهوش أنه يعملك دا ، لأ لأ و ثم لأ ، ممكن يساعدك في الخطوات واحدة واحدة بس مش اكتر لكن انت تعمل كل حاجة بنفسك و عشان تكون متطمن حتي .
◽8- بعد ماتخلص الرغبات اتاكد أنك كتبتهم كلهم كاملين و صورهم بالموبايل أو خد اسكرين مثلا ودي خطوة تبقي معاك للامان مش أكتر .✌️
◽9- مجموعك غير مجموع صاحبك عشان كدا اوعي♦️» تفكر تكتب الرغبات وتظبط معاه على نفس الترتيب ، لأن هتكون ضيعت نفسك وكمان مش هتبقي معاه 🖇️ .
اكتب تعليقك اذا كان لديك اى تسائل عن الموضوع ، وسنجيبك فور مشاهدة تعليقك