الاوراق المطلوبة للتقديم في الكليات 2023 - 2024
طلاب تنسيق الجامعات 2023 عليهم تجهيز عدد من الأوراق المطلوبة للتقديم إلى الكليات ؛ من أجل تسهيل خدمة الالتحاق بالكلية ، مع العلم إن بعض الكليات تحتاج مستندات أخرى وفقًا لطبيعة الدراسة ، إلا أن الأوراق الأساسية اللازمة تأتي على النحو الآتي :
🔺بعد اعلان نتيجة المرحلة الاولي للتنسيق هتحتاج الحاجات دي فجهزها من الآن ...
1️⃣ صورة بطاقة الترشيح .
2️⃣ اصل شهادة الثانوية العامة + صورة منها .
3️⃣ اصل شهادة الميلاد + صورة منها .
4️⃣ صورة البطاقة الشخصية
5️⃣ عدد ٦ صور حديثة مقاس ٤ في ٦ .
6️⃣ استمارة ٢ جند [ للذكور فقط ] .
7️⃣ المصاريف [ تختلف من كلية للتانية ] .
♦️نصائح هامة أثناء التقديم للجامعة 2023
1️⃣ صور بطاقة الترشيح بعد ما تطبعها حوالي ٥ صور ، لانك هتدخل بيها من بوابة الجامعة وهتبقي ضمن ورق التقديم وهتحتاجها .
2️⃣ الصور مينفعش تبقي غير مقاس ٤ في ٦ لو روحت بصور صغيرة هترجع بيها ومش هياخدوا ورقك .
3️⃣ استمارة ٢ جند و ٦ جند بتيجي من منطقة التجنيد اللي انت تابع ليها ، وبعض المدن والمراكز بتجيبها من مديرية الامن ، افضل حاجة تسأل واحد من بلدك اكبر منك وكان في ثانوية وقوله كنت جايبها منين .
4️⃣ بعض الكليات بتطلب دوسيه بلاستيك مع ورق التقديم ، عشان تحط في ورقك
5️⃣شهادة الميلاد لو عندك واحدة
قديمة ،👏 اتأكد ان فيها رقم ثلاثي تحت كده ، لو مش فيها ، استخرج واحدة تانية غيرها جديدة وهيكون فيها الرقم الثلاثي ده .
6️⃣ لما تروح تجيب استمارة ٢ جند واستمارة ٦ جند ، هتجيبها بالبطاقة فقط ، وممكن حد يجبهالك عادي .
7️⃣ صورة البطاقة الشخصية مهمة في بعض الكليات فالكل يعملها احتياطي .
دمتم بخير 🌹
اكتب تعليقك اذا كان لديك اى تسائل عن الموضوع ، وسنجيبك فور مشاهدة تعليقك